….તું લાગે પરમ કૃપાળુ
December 2, 2012
કેસૂડાના રંગ ભરી…..
December 2, 2012
કેસૂડાના રંગ ભરી, સપનાનો સંગ કરી આવ્યો પવન
સાંવરિયો નેહ ભરી,ઘરનું સરનામું લખી લાવ્યો પવનસર સર સરતો સમીરા ,
ફર ફર ફરતી ફોરમ
રંગ રંગ મ્હોર્યો ઊમંગ,
બારસાખે બાંધીને તોરણહૈયામાં ગીત ભરી, કોકિલ કંઠ બની આવ્યો પવન
સોનેરી રંગ ભરી સાંવરનું નામ લખી લાવ્યો પવનધોમ ધોમ વૈશાખી તાપનો ,
અગન ઠારતો પવન
અષાઢી મેઘલી રાતે,
રોમ રોમ છલકે મધુવનમખમલિયા સપના, મનગમતા ઠામે દોરી લાવ્યો પવન
ખાલીખમ આંખોમાં, રેશમિયું અજવાળું લઇ આવ્યો પવન– અમિત ત્રિવેદી
અમે વડોદરાના રહેવાસી …..
May 14, 2010
અમે વડોદરાના રહેવાસી …..
અમે વડોદરાના રહેવાસી,અમે વડનગરીના રહેવાસી
એક બીજાને કેમ છો પૂછી હસ્તો રમતો માણસ
સયાજીરાવનો વારસ થઈને વટથી ફરતો માણસ
સાત સાત સૂરો લઇને મધ્યે ઘૂઘવે સૂરસાગર
નોરતામાં જોબન ઘૂમે પગમાં પ્હેરી ઝાંઝર
એક એકથી સવાયો થઇને ડગલું ભરતો માણસ
એકેક ઘરમાં આશની વાટે દીવો કરતો માણસ
ધોમ ધખતા વૈશાખ મહીં આ બળબળતો માણસ
એકબીજાનો છાંયો થાવા વડલો બનતો માણસ
સત્યમ શિવમ સુન્દરમથી ગુંજે ઘુંમટ ગોળ
સગપણ સઘળાં ભેગા થઈને થાતાં ઓળઘોળ
– અમિત ત્રિવેદી
<!–[if gte mso 9]> Normal 0 false false false EN-US X-NONE GU MicrosoftInternetExplorer4 <![endif]–><!–[if gte mso 9]> <![endif]–> <!–[endif]–>
અમે વડોદરાના રહેવાસી …..
અમે વડોદરાના રહેવાસી
અમે વડનગરીના રહેવાસી
હેલ્લો વડોદરા ! કેમ છો વડોદરા ?
એક બીજાને કેમ છો પૂછી ફરતો હરતો માણસ
સયાજીરાવનો વારસ થઈને વટથી ફરતો માણસ
સાત સાત સૂરો લઇને મધ્યે ઘૂઘવે સૂરસાગર
નોરતામાં જોબન ઘૂમે પગમાં પ્હેરી ઝાંઝર
એક એકથી સવાયો થઇને ડગલું ભરતો માણસ
એકેક ઘરમાં આશની વાટે દીવો કરતો માણસ
વૈશાખી બપ્પોરે આભથી ઝરતો બળબળતો અંગાર
એકબીજાનો છાંયો થાવા વડ થઇ કરતો ટંકાર
સત્યમ શિવમ સુન્દરમ નાદથી ગુંજે ઘુમ્મટ ગોળ
સગપણ સઘળાં ભેગા થઈને થાતાં ઓળઘોળ
– અમિત ત્રિવેદી
શરમાઇ છે
May 12, 2010
આજ અવસર છે અનેરો દાદાને દરબારે
ખુદ યમરાજે હોઠે ધરી છે શરણાઇ
મારી દીકરીની શરણાયું વાગીને
મારી લાડલી જુઓને કેવી છે શરમાઇ
મારી ખોવાયેલી દીકરીની આંગણી પકડી
હરિએ વરસાવી છે દેવતાઇ મ્હેર
અવસરો તો રૂડાં અહીં કે તહી
પણ જુઓને એમાં કેટલો છે ફેર
રેશમી આ જીવતરનું પાનેતર ઓઢી
લાડલી જુઓને કેવીક છે મલકાઇ
ડૂબતી આંખોને હવે પાંપણના ફાફાં
પછી અવકાશમાં ડૂબતુ મારું મન
કોઇ આવી પૂછે તો એને હું કહું
કેવાં રે મેં એનાં કર્યાં છે જતન
મારાં રૂંવે રૂંવે પગટયા દીવા અખંડ
મારી ભીતરે વાગી છે ઝીણી શરણાઇ
– અમિત ત્રિવેદી
નોંધ : ખૂબ જ નાની વયે વિદાય થયેલી સ્વ. રાજીને અંજલિ આપતું આ ગીત
મા ના આશિષ
May 4, 2010
મા ના આશિષ
ન ભાસે તને દૂરનું કદી કોઇ ઘોર અંધકારે
તારલિયા નભના હંકારે તારી નૈયા મઝધારે
તારાં સપનાઓને ઉઠાવે સૃષ્ટિના સઘળાં પવન,
તું ઉઠે, ઉડે, અને વિહરે બસ એ જ મારું સ્તવન
તું જ તારો પથિક છે જાણી, લઇ લે તું આત્મશરણ,
પરમ શાંતિ,પરમ સત્ય, પરમ આનંદ આત્મશરણ
મૌન વૃક્ષ પર ફૂલો ખીલી ગાય છે મધુર સંગીત,
કદીક તું પણ મૌન ધરી ગા જે જીવન સંગીત
હુંફાળા હાથેથી સતત રમી છું તારા અધરોથી,
સદા વહે સુંદર દિવ્ય પ્રાર્થના તારા અધરોથી
– અમિત ત્રિવેદી
નવકાર મંત્ર
March 19, 2010
બોલીએ નમો મહાવીર , બોલીએ નમો ત્રિશલા નંદા
વંદન કરીએ મહાપ્રભુને , નિરખી નિમઁલ આંખોમાં
વંદન કરીએ અરિહંતને , ૐ નમો અરિહંતાણં
ધ્યાન ધરી સિધ્ધ ભગવંતોનુ , ૐ નમો સિધ્ધાણં
મન સ્મરીલે આચાયૅ દેવોને , ૐ નમો આયરિયાણં
વંદન ઉપાધ્યાય દેવોને , ૐ નમો ઉવજ્ઝાયણં
તમે અમારા તારણહારા ગાઇએ તવ ગુણગાન
વંદન સઘળા સાધુજનોને , નમો લોએ સવ્વસાહૂણં
રોમ રોમમાં પુલકિત થઇને પંચ દેવને નમન કરો
પળે પળે સૌ જપતા રહીએ , અસો પંચ નમુક્કારો
દૂર થશે સઘળા પાપો , નિત્ય હૈયે નવકાર ગણો
અર્થ એનો સૌ સહુ સમજી લઇએ , સવ્વપાવપ્પણાસણૉ
મંત્ર એક નવકાર જગતમાં સર્વ મંગળોમાં અતિ મંગળ
મંગલાણં ચ સવ્વેસિં , પઢમં હવઇ મંગલમ્
– અમિત ત્રિવેદી
દરિયા જેવો દરિયો છલકે …..
March 17, 2010
દરિયા જેવો દરિયો છલકે એવી વાત કહ્યી છે તે
રોમે રોમે વ્હાલમ મલકે એવી વાત કહ્યી છે તે
શબ્દો લઈ લખવા બેસુ તો
વાત વહે ખળખળ
અમથી અમથી બેસી રહું તો
આંખ્યુંમાં જળજળ
અરીસામાં ચહેરો અટકે એવી વાત કહ્યી છે તે
દરિયા જેવો દરિયો છલકે એવી વાત કહ્યી છે તે
શમણાઓનું રેશમ છે
તું મુજ અંગ પર બિરાજ
હૈયું ઝંખે હૂંફ તો
વહાલમ રાજાધિરાજ
હોઠેથી ટહુકો છટકે એવી વાત કહ્યી છે તે
દરિયા જેવો દરિયો છલકે એવી વાત કહ્યી છે તે
– અમિત ત્રિવેદી
રાધા
March 17, 2010
રાધાને એક દિવસ સપનું આવ્યું કે મારો માધવ રિસાયો
ભયભીત થઇ રાધાને લાગ્યું કે સોનેરી માળો વિખાયો
હું તો અમથી ટોકતી‘તી શ્યામ
ગોપીઓની કયાં છું હું વેરી ?
એતો યમુનાના વહેણમાં ને
ગોકુળની હવામાં ઊઠી લ્હેરી
શ્યામ, ભલે તમે વૃંદાવનમાં મનફાવે તેમ આવો ને જાવો
શ્યામ મારા છે એનો ક્યાં હું કરું છું સાવ પોકળ દાવો?
એમાં શું વાંક તારો ?
ગોપીઓ ટોળે થૈ લે છે ઓવારણા
મોરપીંછના હળવે ટકોરે
ગોપીઓ ખોલે છે બંધ બારણા
રાધા હવે આંખ નહીં મીંચે, એને મળ્યો છે, માધવ હુંફાળો
અધરાતે મધરાતે હૈયાને અકળાવે માધવ રૂપાળો
– અમિત ત્રિવેદી
નેણથી ઉતરી સપનું…..
March 16, 2010
નેણથી ઉતરી સપનું આજે ગામને પાદર આવ્યું
ગામને પાદર ઉડતી ધૂળે ધમધમે ગામ આખું
ફાટ ફાટ હૈયામાં મારા
રણકે તારું નામ
અમથી અમથી ઉંબર ઘસું
લઈને તારું નામ
સેંથીમાં ભરશું સિંદુરને ખુલશે કેડીઓ નોખી
પાનેતરને પાલવડે અમે ભરશું ભાત અનોખી
શબ્દોની વણઝાર લઈને
આવજો વ્હેલા વાલમજી
નજરોના શણગાર લઈને
આવજો વ્હેલા વાલમજી
હાથમાં બાંધી મીંઢળ એમાં ભરશું અમરત મીઠાં
વાલમજીને ખોબે ખોબે દઇશું અમરત મીઠાં.
– અમિત ત્રિવેદી
ગુલમહોર
March 15, 2010
ચાલ વસંતમાં ગુલમહોર થઈએ
ટહુકા ભીની સાંજે મોર થઈએ
જો રિસામણાં હોય કદીક તો
માયા આખી હાલક ડોલક
કરી મનામણાં મોરના ટહુકે,
આપણ બેઉ મલ્લક મલ્લક
આપણ બેઉ અલ્લડ જોડી ,
સાત સૂરે હલ્લક હલ્લક
આપણ બન્ને અડખે પડખે
ચાલ મોસમ છલકાવી દઈએ
આંખથી વરસી મબલખ અમી
એક બીજાના દર્પણ થઈએ
ઝીણી ઝીણી શરણાઈ વાગે
બેઉ હૈંયા થન્નક થન્નક
ચાલ વસંતમાં ગુલમહોર થઈએ
ટહુકા ભીની સાંજે મોર થઈએ