test

Leave a comment

test

Advertisements

… તું જ ઈશ્વર

Leave a comment

તું   જ  ઈશ્વર  બની જાય  છે
શ્વાસ  છેલ્લો  કહી   જાય   છે

ચીતરું   નામ    મારું    છતાં
નામ  તારું    રહી   જાય  છે

વેદના   કે    ખુશી   જે  હશે
જિંદગી   તો  વહી  જાય   છે

એ   નજરને  મિલાવી  પછી
બંધ   બારી   કરી  જાય  છે

જિંદગી   તો  વહી  જાય  છે
આખરે  શું    રહી   જાય  છે

તું   જતી   તો રહે  છે પછી –
ફૂલ એક  ત્યાં  ખરી જાય છે

–  અમિત ત્રિવેદી

એની શું વાત કરું?

Leave a comment

એની  શું  વાત કરું? એ તો છે જ એવા
એની પંચાત લખું? એ   તો છે જ એવા

ફળિયે  આવી  છાનામાના  પાછા ફરતાં
શાને  હું  યાદ  કરું? એ તો છે જ એવા

ચેટીંગ  કરી   ફોટા સૌના  વાયરલ કરતાં
તેથી   હું   ખૂબ ડરું એ તો  છે જ એવા

મારી   સાથે   વાંકુ પડતાં  એ તો ચાલ્યા
શાને લઈ ભાર ફરું? એ તો છે જ એવા

મોજાઓ   જ  કિનારે લાવીને  છોડે તો
દરિયો હું કેમ તરું? એ તો છે  જ એવા

– અમિત ત્રિવેદી

…. ઢળો તો હવે

Leave a comment

ઝાકળે   ઝાકળે   રૂપ   ખીલી   ઢળો  તો  હવે
વાદળે   વાદળે  જળ  બનીને   વહો  તો  હવે

જો  શિકાયત તને   છે   અને  વેદના  છે  બહુ
ઢાળ  મારી   તરફ  છે  વફાથી  ઢળો  તો  હવે

કાનમાં  રોજ    ભણકાર  તારા સતત હોય  છે
તું  ભલે  હો નિરાકાર   ઈશ્વર   ફળો   તો  હવે

ભીંતને  છાંયડે   આવીને   કોઈ  અટકી  ગયું
સૂર્યને   કોઈ   થંભી   જવાને  કહો   તો   હવે

હા   અને   ના વચાળે રળિયાત   છે  લાગણી
તો વ્યથા મારી સમજીને પાછા વળો  તો હવે

–  અમિત ત્રિવેદી

…. સનાતન સમજીને ચાલે

Leave a comment

આંખો   મીંચી   ઈશ્વરનું   સ્મરણ    જો  જાગે
બસ   તું   એને  જ  સનાતન  સમજીને ચાલે

ધીરે    ધીરે      ઈશ્વરને      તારામાં     જોયો
હરતું   ફરતું    મંદિર    ચાલે    મારી    સાથે

હું  તારામાં    ખોવાયો    છું,   બસ   તારામાં
દોડી    આવી     મંઝિલનું    સરનામું   આવે

દરિયો  કે  મૃગજળ રેતી એકસરખી તરબોળ
જોનારાને   એ      દ્રષ્ટિભેદ      ભલે    લાગે

ઘોડા   દોડાવી    દોડાવી   તું     ક્યાં   દોડે ?
ધમધમતો   સૂરજ  પણ  સાંજે નમતો લાગે

 
– અમિત ત્રિવેદી

શ્વાસ સાથેની રમત…..

Leave a comment

શ્વાસ   સાથેની  રમત એ  તો  રમાડે
જો  ડરીએ   હારથી   તો   એ  પછાડે

ઝાંઝરીએ     કોતરી    ઝંકાર     હૈયે
સાવ  સુના  ખંડમાં  એ  શું  જગાડે ?

એ  ગજુ  મારું  નથી, લે  જીત  તારી
એ  રમતને   કેમ  પાછી  તું  રમાડે ?

સાંજ  જેવી સાંજ  ને એમાં  મળે  તું
એ જ જંતર , એ જ મંતર  તું  વગાડે

મંદિરે   હું    રોજ   આવીને   કહું   કે
એક  ફોટો   તું   હયાતી   નો  પડાવે

– અમિત ત્રિવેદી

……વાત જાણી ?

Leave a comment

તે  શું  કોઈના  ભરોસે  વાત  જાણી ?
રીત   મારી પ્રેમની તે ના  પિછાણી ?

મેં   વિધાતાએ   લખેલા  લેખ  ઘૂંટી
જિંદગીને  સાવ   હળવીફૂલ   માણી

શ્વાસની સરગમ ચલાવી સાચવે  છે
સાંભળી લે ત્યાં સુધી તું એની વાણી

અંધશ્રદ્ધા  હો  ભલે,  શ્રદ્ધા  જ   જીતે
છેવટે   એને  જ   તારણહાર   જાણી

ક્યાં કશું અટકે છે કોઈના વિના પણ?
છોડ  તું, શાને  કરે   છે   ખેંચતાણી ?

– અમિત ત્રિવેદી

Older Entries

%d bloggers like this: